ECO TIRANA

Rreth

Manaxhimi i shërbimeve mjedisore, duke përfshirë por pa u kufizuar në: mbledhjen, transportin, ndërmjetësimin dhe tregtimin e mbetjeve dhe të materialeve që rrjedhin prej tyre, duke përfshirë edhe grumbullimin e diferencuar të tyre, si dhe pastrimin e hapësirave publike, ndërtimin dhe manaxhimin, edhe për llogari të palëve të treta, të impianteve përrikuperimin, riciklimin, trajtimin dhe asgjësimin e mbetjeve, rehabilitimin e zonave nga substancat ndotëse, veprimtari të riparimit të automjeteve, elektroauto, llamarinist, gomist, xhenerik dhe motorrist. Gjithashtu, Shoqëria mund të zhvillojë edhe veprimtaritënë vijim: manaxhimi i integruar i burimeve ujore, konkretisht: thithja, ngritja, transporti, trajtimi, shpërndarja dhe shitja e ujit për çfarëdolloj përdorimi dhe në çfarëdolloj forme, mbledhja, trajtimi dhe pastrimi i ujërave të ndotura dhe/ose i ujërave të shiut, ndërtimi dhe menaxhimi i impianteve për trajtimin dhe pastrimin e ujërave shkarkuese; projektimi, realizimi dhe manaxhimi i rezervuarëve artificialë dhe digave; manaxhimi i integruar i burimeve energjetike, konkretisht: prodhimi, transporti, transformimi, shpërndarja, blerja dhe shitja e energjisë elektrike, prodhimi, transporti, përpunimi, shpërndarja, blerja dhe shitja, dispeçerimi dhe depozitimi i gazit, prodhimi, transporti dhe shitja e nxehtësisë për përdorim industrial dhe familjar, instalimi dhe funksionimi i impianteve termiketë ndërtesave me furnizimtë mundshëm të nxehtësisë dhe/ose karburantit, kontrolli i impiantevetermike, realizimi dhe manaxhimi i impianteve kogjeneruese të energjisë/nxehtësisë, realizimi dhe manaxhimi i centraleve termike dhe impianteve të kondicionimit. Shoqëria ka për qëllim, në përputhje me parimet e efektivitetit të kostos, rentabilitetit dhe konfidencialitetit të të dhënave të biznesit, të nxisë konkurrencën, efikasitetin dhe nivelet e përshtatshme të cilësisë në ofrimin e shërbimeve: duke garantuar paanshmërinë në manaxhimin e infrastrukturës themelore për zhvillimin e një tregu energjetik të lirë; duke ndaluar diskriminimet në qasjen ndaj informacioneve tregtare sensitive; duke mos lejuar transferimin e kryqëzuar të burimeve ndërmjet pjesëve të rrjetit. Shoqëria, drejtpërsëdrejti dhe/ose jo, nëpërmjet pjesëmarrjes në shoqëri të çfarëdolloj tipi, ente, konsorciume ose ndërmarrje, vepron në sektorë plotësues ose të tjerë, por që janë gjithësesi të lidhur, e që kanë si qëllim prodhimin e sendeve dhe veprimtarive që synojnë plotësimin e nevojave dhe kërkesave të komunitetit, duke bashkëpunuar me qëllim promovimin e zhvillimit ekonomik dhe civil të qytetarëve, të organizatave të tyre dhe të komuniteteve vendore ku ata bëjnë pjesë. Për këtë qëllim, në mënyrë ilustruese. Shoqëria, drejtpërsëdrejti dhe/ose jo, apo edhe nëpërmjet projektimit dhe ndërtimit, mund të veprojë në shërbimet e që kanë si qëllim rritjen e sasisë dhe cilësisë së infrastrukturave në shërbim të degëzimeve të shumëfishta të jetës ekonomike, sociale dhe private të qytetarëve, dhe në veçanti në sektorët në vijim: rrjetet telematike, rrjetet informatike dhe shërbimet e telekomunikacionit; instalimi dhe vënia në dispozicion e rrjeteve të telekomunikacionit dhe manaxhimi, si për vetë Shoqërinë ashtu edhe për llogari të palëve të treta, të shërbimeve përkatëse; sistemet e ndriçimit publik; semaforët dhe sistemet e sinjalizimit ndriçues; manaxhimi teknik dhe i mirëmbajtjes dhe administrimi i pasurive të paluajtshme publike ose private, të caktuara për përdorim publik, privat, civil, industrial dhe tregtar; ndërtimi dhe manaxhimi i sistemeve teknologjike; këshillimi, asistenca në projektim, realizimi i sherbimeve në fushën energjitike, hidrike dhe mjedisore; shërbime në fushën e mbrojtjes së tokës dhe ujit, edhe nëpërmjet përpunimit, realizimit dhe manaxhimit të projekteve për këtë qëllim; organizimi i aktiviteteve për përhapjen dhe aplikimin e burimeve shkencore, teknologjike, manaxhuese dhe organizative në fushën e veprimtarisë së saj, ose të shoqërive të kontrolluara apo të shoqërive në të cilat zotëron pjesëmarrje; marrja përsipër e koncesioneve të ndërtimit dhe realizimi i veprave publike; transporti i materialeve për llogari të palëve të treta, me qëllim përmbushjen e veprimtarive që janë të lidhura me objektine Shoqërisë, si dhe i mallrave dhe materialeve të mbetura nga proceset prodhuese dhe/ose veprimtaritë industriale, tregtare, artizanale dhe të banimit; mirëmbajtja e zakonshme dhe të jashtëzakonshme e rrugëve dhe shesheve, e sinjalizimit horizontal dhe e rrjeteve të ujërave të bardha; projektimi, realizimi dhe manaxhimi i kopshteve, parqeve me shatërvanë, zonave sportive dhe të orendive urbane; kujdesi për higjienën mjedisore nëpërmjet kryerjes së veprimtarive kundër parazitëve, shërbimeve fitosanitare dhe të higjienës së mjediseve të brendshme.

Vlerësimet