ALBANIAN DIGITAL SOLUTION

Rreth

1. Për qëllim të ushtrimit të veprimtarisë, Shoqëria kryen aktivitetet si më poshtë vijon: a. zhvillimin, operimin, mirëmbajtjen dhe mbështetjen teknike të sistemeve, platformave dhe shërbimeve digjitale; b. administrimin dhe menaxhimin e infrastrukturave të teknologjisë së informacionit dhe komunikimit (TIK); c. ofrimin e shërbimeve të sigurisë kibernetike, përfshirë parandalimin, monitorimin dhe reagimin ndaj incidenteve, 2 testimeve të qëndrueshmërisë së sistemeve, auditimeve të sigurisë. d. integrimin dhe sigurimin e ndërveprueshmërisë së sistemeve dhe platformave shtetërore; e. mbështetjen e transformimit digjital në institucionet publike; f. zhvillimin dhe ofrimin e shërbimeve digjitale për institucionet publike dhe subjektet private; g. bashkëpunimin me subjekte publike dhe private, vendas dhe të huaj, në funksion të realizimit të veprimtarisë së saj; h. çdo veprimtari tjetër të lidhur me fushën e teknologjisë së informacionit, komunikimit dhe sigurisë kibernetike, në përputhje me legjislacionin në fuqi. 2. Shoqëria aksionare ofron shërbime të tjera shtesë të lejuara nga legjislacioni në fuqi për subjekte publike dhe private, në përputhje me qëllimin e krijimit dhe fushën e veprimtarisë së saj. 3. Shoqëria mund të kryejë aktivitete/veprimtari për studimin, projektimin, këshillimin e konsultimin për aktivitetet e përcaktuara në shkronjat a - h, të pikës 1. 4. Shoqëria, brenda kufijve që parashikon legjislacioni në fuqi, kryen çdo operacion tregtar dhe financiar, që lidhet drejtpërdrejt ose tërthorazi me objektin e saj. Kjo përfshin gjithashtu hapjen e veprimtarive dhe krijimin e shoqërive të reja, si dhe pjesëmarrjen në kapitalin e shoqërive të tjera brenda dhe jashtë vendit. 5. Për përmbushjen e veprimtarisë së saj, Shoqëria mund të bashkëpunojë me persona fizikë dhe juridikë brenda dhe jashtë Shqipërisë.

Vlerësimet